HELGA SKÅLNES – vev
17. april – 7. september 2025
Ope i galleriet si opningstid – sjå den enkelte utstilling.

Vev er i vinden som aldri før!
Og Helga Skålnes frå Åkra skal fylla Stallen (det vesle steinhuset i tunet) heile gallerisesongen.

Skålnes er tekstilhandverkar frå Åkra. Ho har ei masterutdanning frå Høgskulen i Telemark innan kunst og handverk og design, med vev som spesialfelt, og har arbeidd som lærar i grunnskulen i 26 år.

Ho vev biletuttrykk i flatvev, ofte med enkle, abstraherte motiv. Veven står i ein sterk tradisjon, der teknikk og mønster er arva frå kvinner før oss. I respekt for den arven prøver ho å vidareføra og fornya tradisjonen, ved å leita etter det vakre, lette og lyse, og ved å skapa små forteljingar. Ei utfordring har alltid vore å veva fram lyset, både gjennom teknikk og materialbruk.