Loading Events

« Alle hendingane

Sopphelg 9. – 11. september 2022

9 september - 11 september 2022

SOPPHELG 9. – 11. september 2022.

Opning fredag 9. september kl. 19.00.
Ope laurdag og søndag kl. 11 – 16.

POP-UP UTSTILLING

HERDIS TORSVIK – keramikk
LASSE BERNTZEN – akvarell

Foredrag, sopptur, soppkontroll, servering av mat og drikke  m/sopp  osv.
Vi startar fredag kveld med opning av ei lita pop-up utstilling i galleriet i tillegg til kveldstund på låven med foredrag om sopp, musikk, servering osv.
Endeleg program for helga kjem etter kvart.
Sopp er populært og mange ynskjer å læra meir.
Vi har med to stk. sertifiserte soppkontrollørar (Herdis Torsvik og ein til) så her blir alt trygt!

HERDIS TORSVIK – keramikk
Galleriet har seldt Torsvik sine produkt i mange, mange år.
Denne gongen viser ho koppar ho har via soppen!
Soppkopp II er ein liten serie koppar der sopp har vore inspirasjonskjelda og der soppen er brukt som eit funksjonelt grep og ein leik med keramiske teknikkar.
Herdis Torsvik ( f 1965) er utdanna produktdesignar frå Høgskolen i Akershus, avd AFP 1999-2002. Hennar arbeidsfelt er funksjonelt kunsthandverk i porselen og steingods der ho jobbar med modellering og støypeteknikk.
Torsvik er også arrangør av diverse kunstarrangement og marknadar. Ho har verksted på USF i Bergen og held kurs for ei rekkje brukarar, barn og vaksne.
Herdis er også soppsakkyndig (SSK) frå 2018 og tidlegare styremedlem i Bergen sopp- og nyttevekstforening.

Herdis Torsvik

LASSE BERNTZEN – akvarell
Berntzen lærte å bruka sopp i matlaging frå mor og bestemor og har alltid vore ein soppentusiast.
Kunnskapen og entusiasmen har også prega bildene hans.
Her blir det bilde av sopp!
Berntzen er utdanna ved Vestlandets Kunstakademi  og Kunst- og håndverkskolen i Bergen.
Han har i galleriet  tidlegare vist bilde av vestnorske landskap og av insekt.
Denne gongen blir det inspirasjon frå soppturen.

Lasse Berntzen

Informasjon

Start:
9 september
Slutt:
11 september
Hendingskategori: